Description
Նկարագրութիւն
Աշխարհահռչակ պոլսահայ բանաստեղծ Զահրատի ստեղծագործութիւնները, ընթերցողին կը հրամցուի տուփի մը մէջ ամփոփուած երկու հատորներով: Մօտաւորապէս հազար էջերէ բաղկացած այս հրատարակութիւնը կ’ընդգրկէ Զահրատի ցարդ հրատարակուած ութ բանաստեղծութեան գիրքերը՝ սկսեան իր անդրանիկ Մեծ Քաղաքը հատորէն մինչեւ իր վերջին գիրքը՝ Ջուրը Պատէն Վեր: Հատորներու կցուած է նաեւ ծանօթագրութեան բաժիններ, ուր տրուած են շուրջ 250 բացատրութիւններ 120 բանաստեղծութեան դիմաց: Երկրորդ հատորի յաւելուածին մէջ տրուած է նաեւ պոլսահայ մամուլի մէջ ցանցնուած եւ Զահրատի գիրքերէն դուրս մնացած վաղ շրջանի բանաստեղծութիւններէն նմոյշներ՝ լոյս տեսած 1946-51ին «Նոր Օր» եւ «Ճառագայթ»ի մէջ, ինչպէս նաեւ թուրք բանաստեղծներէն կատարած իր թարգմանութիւնները, պատկերազարդ էջեր եւ զոյգ հատորներու միացեալ այբենական ցանկը…:
