Description
Նկարագրութիւն
Սույն գիրքը դյուրին ընթերցանության համար չէ, հետևաբար որոշակի ուշադրություն և համբերատարություն է պահանջում։ Այստեղ չկա ժամանակագրական հաջորդականություն, չկան էպիկական նորատեսակ պատումներ, չկան նաև մատենագրական սենսացիոն հայտնագործություններ։ Կան միայն փաստեր ու փաստարկներ, որոնք բացահայտում են Մամիկոնյան տոհմի մասին այն ճշմարտությունը, որն արմատապես տարբերվում է ներկայիս ընդունված և գլխավորապես քարոզչական նպատակներով գործածվող ճշմարտությունից։ Աշխատությունը գրվել է խնդիրը համակողմանիորեն և հանգամանորեն ներկայացնելու նպատակով, այդ իսկ պատճառով կարող է թվալ, թե որոշ տեղերում կրկնաբանություններ կան։ Իրականում դրանք միևնույն անծին կամ երևույթին վերաբերող տարբեր դիտարկումներ են, որոնք միմյանց լրացնելով՝ ամբողջացնում են ընդհանուր պատկերը։ Հարկ է նկատի ունենալ, որ սա պատմագիտական յուրատեսակ հետաքննություն է, որի ընթացքում փորձ է արվում գծել մի քանի դար անընդմեջ ազգային իշխանության վերնաշերտում տեղ գրաված նախարարական տան քաղաքական և բարոյահոգեբանական դիմանկարը, ինչպես նաև ի հայտ բերել տոհմի նշանավորների գործունեության հիմնական դրդապատճառները։ Ուստի՝ նրանց ժառանգական հատկանիշների անատոմիական (կազմախոսական) զննության համար ոչինչ ավելորդ չի կարող լինել։ Նա, ով կհոգնի հաստատումների առատությունից՝ հանգիստ կարող է դադարեցնել ընթերցումը։ Նշանակում է՝ գիրքն ուղղված է մեկ ուրիշին։
Պարագայական առումով գիրքը կարելի է ընդունել նւսև սեփական անցյալի մասին մինչ այժմ մեր ունեցած իմացությունը վերարժեքավորելու նախադրյալ։ Դա կարևոր պայման է աոաջին հերթին ազգային գաղափար ձևավորելու համար։ Գիտակցենք վերջապես, որ ազգը չի կարող հարատևել աոանց ազգային գաղափարի, իսկ ազգային գաղափարի հիմնաքարերից մեկը անեղծ պատմությունն է։
